Zelensky, Uashingtonit: Presion më të fortë mbi Putinin

Presidenti ukrainas Volodymyr Zelensky i kërkoi Uashingtonit të ushtrojë presion më të fortë mbi Vladimir Putinin sesa mbi të, në një intervistë për PBS NewsHour të transmetuar më 2 nëntor.

“Është më mirë të ushtroni presion më të fortë mbi Putinin, jo mbi mua”, tha Zelensky. “Nuk jam unë ai që është agresiv”, shtoi ai, duke theksuar përgjegjësinë e presidentit rus për nisjen e luftës.

I pyetur për ta përshkruar me një fjalë marrëdhënien me presidentin amerikan Donald Trump, ai u përgjigj: “Emocionale”. Zelensky kërkoi që qasja amerikane të përqendrohet te përgjegjësia e Rusisë për pushtimin e Ukrainës.

Ai vuri gjithashtu në dyshim argumentin se marrëveshjet energjetike me Moskën do të sillnin domosdoshmërisht ulje të çmimeve të karburanteve në SHBA.

Presidenti ukrainas e lidhi forcimin e vendit të tij me sigurinë evropiane. Ai paralajmëroi se një Rusi që ndihet më e fuqishme mund të kërcënojë në të ardhmen territorin e NATO-s.

“Pra, është më mirë ta forconi Ukrainën, sepse ne në fakt po mbrojmë Evropën, jo vetëm veten tonë”, tha Zelensky.

Sponsorët