Zelensky: Pheniani po përgatit edhe 10 mijë ushtarë për Rusinë

Presidenti ukrainas Volodymyr Zelensky tha se Koreja e Veriut po përgatit edhe 10 mijë ushtarë për t’i dërguar në Rusi. Në një postim në X të hënën, ai e mbështeti deklaratën në të dhëna të reja të siguruara nga Ukraina.

Sipas Zelenskyt, ushtarët po përzgjidhen për trajnim përpara dërgimit të tyre. Ai tha gjithashtu se më shumë se 8 mijë ushtarë koreano-veriorë ndodhen aktualisht në territorin rus.

Presidenti ukrainas kishte paralajmëruar më herët se deri në 50 mijë ushtarë nga Koreja e Veriut mund të dërgoheshin për të mbështetur Rusinë në luftën kundër Ukrainës. Ai i ka kërkuar edhe Koresë së Jugut më shumë mbështetje për mbrojtjen ajrore të Ukrainës.

Shifra për përgatitjen e 10 mijë ushtarëve të tjerë mbetet pretendim i presidentit ukrainas. Nëse konfirmohet, ajo do të shënonte një zgjerim të mëtejshëm të mbështetjes ushtarake të Phenianit për Moskën.

Sponsorët