Ymeri: QKUK-ja ka 947 infermierë më pak

Janina Ymeri nga LDK-ja pretendon se Qendra Klinike Universitare e Kosovës ka 947 infermierë më pak, duke kritikuar Qeverinë Kurti për gjendjen e personelit pavarësisht rritjes së buxhetit.

Në një postim në Facebook, ajo publikoi një grafik që ia atribuon Agjencisë së Statistikave të Kosovës. Sipas interpretimit të saj, grafiku tregon rënie të ndjeshme të numrit të infermierëve në vitin 2025.

Ymeri thotë se mungesa e personelit i ka detyruar familjarët të sigurojnë ndihmë shtesë për pacientët, ndërsa infermierët e mbetur punojnë përtej kapaciteteve. Ajo e cilësoi gjendjen shqetësuese.

Në të njëjtin postim, Ymeri përmendi edhe rënien e anëtarësisë në Odën e Infermierëve, por pa dhënë shifra për këtë tregues.

Sponsorët