Trump u kërkon izraelitëve votën për Netanyahun para zgjedhjeve

Presidenti amerikan Donald Trump u ka bërë thirrje izraelitëve të votojnë për Benjamin Netanyahun në zgjedhjet parlamentare të 27 tetorit, përmes një mesazhi në Truth Social, një ditë para votimit.

“Votoni për Bibi Netanyahun si kryeministër. Ne duhet ta përfundojmë punën që filluam”, shkroi Trump. Ai e cilësoi kryeministrin izraelit një “kryeministër luftëtar i jashtëzakonshëm”.

Në mesazhin e tij, presidenti amerikan e lidhi mbështetjen me bashkëpunimin ushtarak mes Shteteve të Bashkuara dhe Izraelit kundër Iranit. Duke përmendur operacionet “Midnight Hammer” dhe “Epic Fury”, Trump pretendoi se ato kanë dëmtuar ndjeshëm kapacitetet ushtarake dhe ekonominë iraniane.

Trump kishte shprehur mbështetje publike për Netanyahun edhe më 18 tetor, kur e kishte vlerësuar si udhëheqës të fortë gjatë luftës dhe partner strategjik të SHBA-së. Mesazhi i fundit e shndërron këtë mbështetje në një thirrje të drejtpërdrejtë drejtuar votuesve izraelitë.

Sponsorët