Trump shqyrton ndalimin e eksporteve të naftës: Benzina mund të shtrenjtohet

Presidenti amerikan Donald Trump tha se administrata e tij po shqyrton çdo ditë mundësinë e ndalimit të eksporteve të naftës. Duke folur me gazetarët në Zyrën Ovale, ai pranoi se kjo masë mund të sjellë shtrenjtim të benzinës, ndërsa argumentoi se mund të ulë çmimin e naftës.

Ndalimi mbetet një mundësi në shqyrtim. Trump paralajmëroi për një “ndikim negativ” te çmimi i benzinës, në kohën kur administrata po përpiqet të frenojë kostot e karburantit para zgjedhjeve të mesit të mandatit në nëntor.

Presidenti ia atribuoi një pjesë të shtrenjtimit luftës mes Rusisë dhe Ukrainës. Sipas tij, goditjet ndaj infrastrukturës energjetike kanë pakësuar prodhimin dhe eksportet e karburantit.

Sekretari amerikan i Energjisë, Chris Wright, tha se furnizimi po përballet me presione nga disa drejtime. Ai përmendi humbjen e një pjese të eksporteve të naftës nga Lindja e Mesme dhe Kina, duke shtuar se disa nga furnizimet prej Lindjes së Mesme po rikthehen.

Sponsorët