Trump shmang mbështetjen për një mandat tjetër të Netanyahut

Presidenti amerikan Donald Trump nuk dha mbështetje të drejtpërdrejtë për një mandat tjetër të Benjamin Netanyahut. Në intervistën për revistën TIME, të botuar të enjten, ai e orientoi përgjigjen te mbrojtja e Izraelit kur u pyet për të ardhmen elektorale të kryeministrit izraelit.

I pyetur sërish nëse Netanyahu duhet të marrë një mandat tjetër, Trump tha: “Jo, gjëja ime kryesore, dua t’i ndihmoj ata të mbrojnë Izraelin”.

Megjithatë, Trump paralajmëroi se Netanyahu nuk duhet nënvlerësuar. “Njerëzit e kanë nënvlerësuar Bibin, Netanyahun, shumë, shumë herë, ashtu siç më kanë nënvlerësuar mua shumë, shumë herë. Unë nuk do ta nënvlerësoja Bibin”, tha ai.

Në pyetjen nëse Uashingtoni mund të bashkëpunonte më efektivisht me kandidatin e opozitës dhe ish-shefin ushtarak Gadi Eisenkot, Trump tha se nuk kishte dëgjuar gjëra të këqija për të, pa shprehur mbështetje elektorale për të.

Sponsorët