BBC: Policia ndalon gazetarët pranë komisionit zgjedhor serb

Policia ka rrethuar zonën përreth Komisionit Republikan të Zgjedhjeve në Serbi dhe ua ka ndaluar gazetarëve qasjen aty gjatë ditës së zgjedhjeve, sipas BBC-së.

Një zyrtar policor i ka thënë gazetarit të BBC-së se ekziston një urdhër për kufizimin e qasjes. Gazetari kishte paraqitur kredencialet e punës, por nuk ishte lejuar të afrohej. Sipas raportimit, polici i tha se gazetarët do të njoftoheshin nëse do të merrnin udhëzime të reja.

Në Parkun e Pionierit janë parë ndërkohë persona duke lëvizur konstruksione të mëdha metalike, të ngjashme me ato të tendave. Nuk është e qartë nëse po çmontoheshin konstruksionet ekzistuese apo po vendoseshin të reja.

Kufizimi vjen në një ditë zgjedhore të shoqëruar me raportime për incidente të dhunshme në disa qendra votimi.

Sponsorët