Tasholli paralajmëron aktivitete të tjera: “deri te ato radikale”

Ismail Tasholli nga platforma “Liria ka Emër” paralajmëroi vazhdimin e aktiviteteve pas protestës së të enjtes, duke përmendur edhe forma që ai i cilësoi radikale. Në emisionin “Pressing” në T7, ai nuk specifikoi se çfarë do të përfshinin këto aktivitete.

“Liria ka Emër nuk e ka ndërmend me u ndalë, po do i shohim edhe aktivitetet e tjera, prej atyre më kreative, deri te ato radikale”, tha Tasholli.

Ai pretendoi gjithashtu se në protestë kishin marrë pjesë mbi 100 mijë njerëz. Këtë shifër e paraqiti si vlerësim të tij, duke shtuar: “Në shesh ishin mbi 100 mijë njerëz, ajo është e rëndësishme, matje precize nuk ka dikush pos Policisë”.

Në deklaratën e cituar, Tasholli nuk dha një numërim të Policisë që ta mbështeste këtë shifër.

Sponsorët