Sybiha: Me Wadephulin diskutuam armëpushimin dhe presionin ndaj Rusisë

Ministri i Jashtëm i Ukrainës, Andrii Sybiha, njoftoi se në një telefonatë me homologun gjerman, Johann Wadephul, diskutuan hapat e përbashkët për arritjen e një armëpushimi dhe mënyrat për të rritur presionin mbi Rusinë.

Në postimin e tij më 26 shtator, Sybiha tha se Wadephul e informoi për bisedën me ministrin e Jashtëm rus, Sergey Lavrov, në Asamblenë e Përgjithshme të OKB-së.

Sipas kryediplomatit ukrainas, Wadephul i përcolli palës ruse kërkesën që Moska t’i japë fund luftës, mbështetjen e palëkundur për Ukrainën dhe paralajmërimin kundër veprimeve të mëtejshme armiqësore ndaj Evropës.

Sybiha tha se biseda përfshiu edhe forcimin e qëndrueshmërisë së Ukrainës përpara dimrit. Ai falënderoi Gjermaninë për mbështetjen ndaj vendit të tij.

Sponsorët