Rasti Zekaj: Komisioni vendos në rend dite ekspertët e jashtëm
Zgjedhja e ekspertëve të jashtëm është në rendin e ditës së mbledhjes së sotme të Komisionit Hetimor Parlamentar për veprimet dhe mosveprimet institucionale lidhur me vrasjen e Arlinda Zekajt. Komisioni…

Zgjedhja e ekspertëve të jashtëm është në rendin e ditës së mbledhjes së sotme të Komisionit Hetimor Parlamentar për veprimet dhe mosveprimet institucionale lidhur me vrasjen e Arlinda Zekajt. Komisioni do të trajtojë edhe çështje të organizimit të punës së tij.
Në mbledhjen e së hënës, më 9 nëntor, kryesuesi Burim Ramadani njoftoi se Zyra e Kryeministrit kishte përcjellë raportet e Ministrisë së Drejtësisë dhe Ministrisë së Punëve të Brendshme.
Deputeti i PDK-së, Eman Rrahmani, e kritikoi qasjen e Zyrës së Kryeministrit, duke pretenduar se po tentohet të mbulohen të metat institucionale në mbrojtjen e Zekajt. Pas diskutimeve mes anëtarëve, ajo mbledhje vazhdoi me dyer të mbyllura për mediat.
Kuvendi i Kosovës e themeloi komisionin më 29 tetor, me mandat maksimal prej gjashtë muajsh. Përveç rastit të Zekajt, e cila u vra më 25 tetor në Vitomiricë të Pejës, mandati përfshin edhe trajtimin institucional të dhunës ndaj fëmijëve dhe grave në familje.
Sponsorët
![]() | ![]() | ![]() |


