Portugalia pa Ronaldon shënon katër gola ndaj Danimarkës

Portugalia fitoi 4-2 ndaj Danimarkës në Kopenhagë pa Cristiano Ronaldon në formacion, duke regjistruar fitoren e tretë në tri ndeshje të Grupit A4 të Ligës së Kombeve.

Danimarka e barazoi rezultatin dy herë, por nuk arriti të merrte pikë. João Cancelo kaloi portugezët në epërsi, ndërsa Mikel Damsgaard barazoi në minutën e 23-të. Tre minuta më pas, Gonçalo Ramos riktheu avantazhin pas një asistimi të Bruno Fernandesit.

Rasmus Højlund shënoi për 2-2 në minutën e 53-të. Vitinha i dha sërish epërsinë Portugalisë në minutën e 67-të, me Fernandesin që dha një tjetër asistim. João Félix, i aktivizuar nga stoli, vulosi rezultatin pas pasimit të Diogo Dalotit.

Me këtë fitore, Portugalia forcoi pozitën në krye të grupit.

Sponsorët