Netanyahu: Ende herët për ta lidhur Iranin me sulmin në avion

Kryeministri izraelit Benjamin Netanyahu tha se është ende herët për të përcaktuar nëse Irani ka pasur përfshirje në sulmin gjatë fluturimit të Flydubai-t nga Dubai drejt Tel Avivit. Në intervistën për Fox News, ai nuk konfirmoi ndonjë lidhje të Teheranit me incidentin.

“Është ende herët të thuhet”, u përgjigj Netanyahu kur u pyet nëse kishte indikacione për përfshirjen e Iranit. Sipas tij, piloti i dyshuar për sulmin po hetohet në Arabinë Saudite dhe pritet të transferohet në Emiratet e Bashkuara Arabe.

Gjatë incidentit, një pilot goditi me thikë një pilot tjetër dhe tentoi të merrte kontrollin e avionit. Pasagjerët dhe ekuipazhi e neutralizuan sulmuesin, ndërsa avioni u ul i sigurt.

Netanyahu e cilësoi kapitenin e plagosur, Smit Machchhar, si një “hero i vërtetë”.

Sponsorët