Nasim Haradinaj kërkon zgjedhjen e shpejtë të presidentit

Ish-nënkryetari i OVL-UÇK-së, Nasim Haradinaj, kërkoi zgjedhjen sa më të shpejtë të presidentit të Kosovës, duke e lidhur këtë kërkesë me reagimin institucional ndaj dënimit të ish-krerëve të UÇK-së në Hagë. Në deklaratën për Klan Kosova, ai tha se presidenti duhet të ketë rol aktiv në komunikimin me Shtetet e Bashkuara.

“Ne sa më shpejt duhet ta zgjedhim presidentin, që të flasë edhe me Amerikën”, tha Haradinaj.

Ai u kërkoi institucioneve të bashkërendojnë veprimet, duke paralajmëruar se, sipas tij, koha për procesin e apelit po shkurtohet. Haradinaj tha se secili institucion duhet të marrë përgjegjësitë që i takojnë dhe u bëri thirrje partive të kapërcejnë përplasjet politike.

“Mendoj se është koha t’i lëmë inatet politike dhe të shkojmë atje ku na dhemb të gjithëve”, deklaroi ai.

Sponsorët