Mustafa propozon sërish koalicion PDK–LVV: Kosovës i duhet unitet

Deputeti i PDK-së, Rrustem Mustafa, ka përsëritur propozimin për një koalicion mes PDK-së dhe Lëvizjes Vetëvendosje. Në një postim në Facebook, ai tha se Kosovës i duhet një marrëveshje e madhe politike që sjell unitet, qartësi dhe drejtim shtetëror.

Mustafa propozoi që LVV-ja, PDK-ja dhe partitë e tjera të hapin dialog për një marrëveshje të përbashkët, të mbështetur në interesat themelore të Republikës.

Ai renditi tri shtylla për këtë angazhim: unitetin politik dhe qetësimin e brendshëm, mbështetjen juridike dhe angazhimin diplomatik. Sipas Mustafës, marrëveshja duhet të ketë përgjegjësi dhe objektiva të qarta për Kosovën, duke shkuar përtej një bashkimi të lidhur vetëm me momentin.

Sponsorët