Maqedonci: FSK-ja pret një sasi Javelin këtë vit

Ministri i Mbrojtjes, Ejup Maqedonci, tha në Tëvë1 se pret që FSK-ja të marrë një sasi Javelin nga Shtetet e Bashkuara gjatë këtij viti, ndërsa diskutimet për dorëzimin po vazhdojnë.

Sipas ministrit, sistemet kundërtanke janë në procesin përfundimtar të mbërritjes. Ai tha se furnizimi për këtë vit ishte premtuar vitin e kaluar, por përmendi kërkesat e mëdha për armatim dhe mbështetjen amerikane për Ukrainën si faktorë që ndikojnë te vonesat e mundshme. Nuk dha një datë të saktë dorëzimi.

Maqedonci deklaroi gjithashtu se FSK-ja ka në inventar tri lloje të tjera sistemesh kundërtanke, përfshirë sisteme të blera nga Gjermania dhe Turqia.

Për helikopterët Black Hawk, ministri tha se procedurat po vazhdojnë dhe se po bëhen përgatitjet e nevojshme, duke përmendur ndërtimin e hangarëve.

Sponsorët