Maliqi: PDK-ja duhej t’i ulte pritshmëritë për Specialen

Analisti Agon Maliqi vlerëson se PDK-ja duhej t’i ulte pritshmëritë nga ndryshimi i ligjit për Specialen, pasi Kosova ka hapësirë të kufizuar veprimi dhe BE-ja ka mekanizma juridikë e kushtetues që e bëjnë nismën të cenueshme.

Në një postim, ai argumenton se përplasja politike me ndërkombëtarët ishte e parashikueshme. Megjithatë, sipas tij, nisma ka pasur vlerë përtej një aspirate politike, duke e bartur përgjegjësinë për veprim nga një parti te shteti.

“PDK-ja duhej t’i ulte pritshmëritë nga kalimi i ligjit”, shkruan Maliqi.

Ai vlerëson se ligji e ka shtruar çështjen për zgjidhje dhe e bën të nevojshme një negociatë politike me partnerët perëndimorë për dispozitat e veçanta dhe sqarimin e mandatit të gjykatës.

Maliqi sheh gjithashtu mundësi që kjo situatë të ndihmojë në rihapjen e çështjes së anëtarësimit të Kosovës në Këshillin e Evropës. Këtë e paraqet si një rrugë që, sipas tij, do t’u ofronte ish-udhëheqësve të UÇK-së një mekanizëm ligjor shtesë për ankesë, jo si zhvillim të realizuar.

Sponsorët