Maliqi kritikon mesazhin politik të gjyqit ndaj ish-krerëve të UÇK-së
Analisti Agon Maliqi kritikoi mesazhin politik që, sipas tij, përcjell procesi në Hagë ndaj ish-krerëve të UÇK-së. Në një postim, ai vuri në pikëpyetje rezultatet e drejtësisë ndërkombëtare në ish-Jugosllavi…
Analisti Agon Maliqi kritikoi mesazhin politik që, sipas tij, përcjell procesi në Hagë ndaj ish-krerëve të UÇK-së. Në një postim, ai vuri në pikëpyetje rezultatet e drejtësisë ndërkombëtare në ish-Jugosllavi dhe mënyrën se si ajo ka trajtuar organizimin e kryengritjes në Kosovë.
“Drejtësia ndaj viktimave civile, apo shpërblimi politik i xhelatëve?”, pyeti Maliqi. Ai argumentoi se, ndonëse Ratko Mlladiq dhe Radovan Karaxhiq u dënuan, projekti i tyre politik në Bosnjë u shpërblye me Republika Srpska dhe vazhdon të glorifikohet.
Sipas Maliqit, shënjestrimi i strukturës formale të UÇK-së dhe trajtimi i organizimit të kryengritjes si kriminal përcjellin mesazhin se Kosova duhej të priste fatin e Srebrenicës, në vend që të nxiste ndërhyrjen e NATO-s. Ky është interpretimi i tij për pasojat politike të procesit gjyqësor.
Sponsorët
 |  |  |