Lecornu: Trazirat synonin qendrat e pushtetit në Paris

Kryeministri francez Sébastien Lecornu tha se Pallati Élysée, selia e qeverisë dhe Asambleja Kombëtare ishin në shënjestër të trazirave gjatë protestave në Francë kundër kostos së lartë të jetesës.

“Është e qartë se në shënjestër ishin qendrat e pushtetit në Paris: Pallati Élysée, selia e qeverisë dhe Asambleja Kombëtare”, deklaroi ai pas një mbledhjeje urgjente të qeverisë. Lecornu njoftoi rreth 1.200 arrestime dhe e cilësoi dhunën të tmerrshme.

Kryeministri kundërshtoi edhe përdorimin politik të trazirave: “Atyre që duan t’i përdorin këto akte dhune si një provë gjenerale para zgjedhjeve presidenciale, u them qartë: nuk do të na frikësojnë”.

Sipas ministrit të Brendshëm, Laurent Nuñez, rreth 550.000 persona morën pjesë në demonstrata në mbarë vendin. Shumë protestues marshuan paqësisht për investime në arsim e shëndetësi, strehim më të përballueshëm dhe masa për mbrojtjen e klimës.

Sponsorët