Pa kategori

Kuvendi kërkon edhe 461 milionë lekë për vitin 2027

Kuvendi i Shqipërisë kërkon rreth 461 milionë lekë shtesë mbi afro 1.96 miliardë lekët e parashikuar në projektbuxhetin 2027, sipas përllogaritjeve të administratës së institucionit. Sekretari i Përgjithshëm, Genci Gjonçaj,…

Kuvendi kërkon edhe 461 milionë lekë për vitin 2027
Dëgjo artikullin 2 min

Kuvendi i Shqipërisë kërkon rreth 461 milionë lekë shtesë mbi afro 1.96 miliardë lekët e parashikuar në projektbuxhetin 2027, sipas përllogaritjeve të administratës së institucionit.

Sekretari i Përgjithshëm, Genci Gjonçaj, e argumenton kërkesën me mungesa prej rreth 207 milionë lekësh për shpenzime operative dhe afro 89 milionë lekësh për paga e sigurime shoqërore. Kërkohen gjithashtu fonde për investime kapitale.

Administrata propozon shtimin e 10 vendeve të punës, duke e çuar numrin e përgjithshëm të punonjësve në 499. Tetë pozicione parashikohen për këshilltarë të komisioneve parlamentare dhe dy për shërbime mbështetëse, me arsyetimin se është rritur numri i komisioneve dhe ngarkesa e tyre.

Sipas relacionit, Komisioni i Posaçëm për Reformën Territoriale ka kërkuar 25 milionë lekë për angazhimin e 26 ekspertëve. Kjo shumë nuk përfshin nevojat e komisioneve të tjera që mund të ngrihen gjatë vitit.

Në kërkesat për investime përfshihen 8 milionë lekë për integrimin e inteligjencës artificiale në sistemin e gjurmimit legjislativ dhe 40.7 milionë lekë për vënien në funksion të një qendre mediatike. Administrata kërkon edhe fonde për sigurinë kibernetike, digjitalizimin e arkivës dhe mirëmbajtjen e godinave. Këto janë kërkesa për financim, ende jo fonde të miratuara.

Sponsorët

Petrol CompanyJYSKMishtore Meli
Scroll To Top