Kusari-Lila paralajmëron çmim tavan nëse nafta nuk lirohet

Ministrja Mimoza Kusari-Lila paralajmëroi rikthimin e çmimit tavan për naftën dhe derivatet e saj nëse çmimet në treg nuk ulen, ndërkohë që çmimi i importit mbetet i qëndrueshëm ose bie. Ajo tha se institucionet po shqyrtojnë ecurinë e çmimeve përpara një ndërhyrjeje të mundshme.

Sipas Kusari-Lilës, institucionet po monitorojnë çdo ditë marzhën e fitimit të bizneseve importuese. Ministrja shpjegoi se çmimet në Kosovë varen nga çmimi dhe sasia e derivateve të importuara.

“Ne jemi duke e shqyrtuar me kujdes. Nëse kemi edhe pak ditë, nëse vazhdon çmimi i njëjtë apo i ulur dhe çmimi në treg nuk ulet, atëherë do ta rikthejmë përcaktimin e çmimit tavan për naftën dhe derivatet e saj”, tha Kusari-Lila.

Ajo vlerësoi se gjatë dy-tri ditëve të fundit është vërejtur stabilizim i çmimit të naftës. Duke folur për dallimet mes pikave të karburanteve, ministrja tha se qytetarët mund të zgjedhin të mos blejnë te kompanitë me çmime më të larta.

Sponsorët