Kurti: Në plan pesë diga të reja në Kosovë

Kryeministri i Kosovës, Albin Kurti, përmendi planin për ndërtimin e pesë digave të reja në Kosovë gjatë fjalimit në Konferencën XXII të Rrjetit Evropian për Zhvillimin Rural. Ai e lidhi zhvillimin e bujqësisë me investimet në ujitje, mbrojtjen e tokës dhe rritjen e kapaciteteve për përpunimin e prodhimeve vendore.

Sipas Kurtit, synimi është që fermerët t’u shtojnë vlerë prodhimeve të tyre, duke shmangur modelin e eksportimit të produkteve të papërpunuara dhe importimit të atyre të gatshme. Ai tha se qeveria synon investime në ujë dhe ujitje, shëndetin e tokës, përpunim dhe magazinim.

Kryeministri e cilësoi prodhimin vendor si çështje ekonomike dhe strategjike, duke iu referuar krizave që kanë prekur zinxhirët ndërkombëtarë të furnizimit. Ai theksoi se zhvillimi rural duhet të përfshijë edhe arsimin, shëndetësinë, infrastrukturën dhe punësimin.

“Nuk do të ketë Kosovë më të zhvilluar pa fshat më të zhvilluar. Nuk do të ketë ekonomi më të fortë pa bujqësi më produktive”, tha Kurti.

Sponsorët