Krasniqi kërkon drejtësi për 28 civilët e vrarë në Gollubovc

Nënkryetari i Malishevës, Vesel Krasniqi, kërkoi që autorët e masakrës së Gollubovcit të dalin para drejtësisë, gjatë përkujtimit të 28-vjetorit të vrasjes së 28 civilëve shqiptarë. Sipas njoftimit të Komunës së Malishevës, ai kritikoi edhe trajtimin gjyqësor të ish-luftëtarëve, duke e krahasuar me pandëshkueshmërinë që, sipas tij, gëzojnë autorët e krimeve.

“Ne, si komunë, nuk do të heshtim para këtyre padrejtësive dhe kërkojmë që autorët e këtij krimi të dalin para drejtësisë”, tha Krasniqi.

Komuna njoftoi se në ceremoninë e 26 shtatorit morën pjesë familjarë, qytetarë, drejtues komunalë dhe përfaqësues të Shoqatës së Familjeve të Dëshmorëve. Masakra ndodhi më 26 shtator 1998.

Në të njëjtën ditë u përkujtuan edhe tre dëshmorët e komunës, Ilaz Javori, Rasim Maloku dhe Selman Deligashi.

Sponsorët