Këshilli i Shteteve kundërshton shtetësinë zvicerane pas pesë vjetësh

Këshilli i Shteteve në Zvicër ka kundërshtuar me 34 vota kundër dhe 9 pro iniciativën që synon t’u mundësojë të huajve aplikimin për shtetësi pas pesë vjetësh qëndrimi. Megjithatë, propozimi do t’i nënshtrohet votimit popullor në nivel kombëtar.

Dhoma parlamentare nuk paraqiti kundërpropozim për iniciativën “Për një të drejtë moderne të shtetësisë”. Më herët, atë e kishte refuzuar edhe Këshilli Kombëtar.

Rregullat aktuale kërkojnë të paktën 10 vjet qëndrim në Zvicër, përfshirë tri vjet gjatë pesë viteve para aplikimit. Iniciativa synon ta përgjysmojë periudhën e kërkuar në pesë vjet.

Mbështetësit e nismës argumentojnë se kushtet ekzistuese lënë më shumë se një të katërtën e popullsisë pa të drejta politike, megjithëse këta banorë punojnë, paguajnë taksa dhe janë të integruar në shoqëri. Kundërshtimi parlamentar nuk e mbyll procesin, pasi vendimi për iniciativën popullore u takon votuesve.

Sponsorët