Hoxhaj fton qytetarët në marshin e 1 tetorit për UÇK-në

Deputeti i PDK-së, Enver Hoxhaj, u bëri thirrje qytetarëve t’i bashkohen marshit të 1 tetorit në mbështetje të UÇK-së. Në një intervistë, ai e lidhi pjesëmarrjen në protesta me solidaritetin qytetar dhe mbrojtjen e dinjitetit të luftës çlirimtare.

“Ftoj secilin që më 1 tetor t’i bashkohet këtij marshi”, deklaroi Hoxhaj.

Sipas tij, mobilizimi i përditshëm, veçanërisht pjesëmarrja e të rinjve dhe të moshuarve, po krijon vetëdije dhe vetëbesim të ri në shoqërinë kosovare. Ai e përshkroi angazhimin e brezit që nuk e ka përjetuar pushtimin si një shprehje të re të atdhedashurisë.

Hoxhaj shprehu gjithashtu besimin se beteja në Apel mund të fitohet dhe se shoqëria mund të dalë më e fortë nga kjo situatë. Këtë e paraqiti si pritje të tij: “Jo vetëm ta fitojmë Apelin, por të dalim edhe më të fortë nga kjo betejë”.

Sponsorët