Hamza: Synojmë 40 nënshkrime për seancë të jashtëzakonshme për Specialen

Kryetari i PDK-së, Bedri Hamza, tha se partia po punon për mbledhjen e 40 nënshkrimeve për të thirrur seancë të jashtëzakonshme, me synim përfshirjen në rend dite të projektligjit për Dhomat e Specializuara. Në emisionin “Pressing” në T7, ai e cilësoi këtë nismë si prioritetin më të lartë të PDK-së.

“Jemi paralelisht duke punu që mi mbledhë nënshkrimet, nevojiten 40 nënshkrime, me thirrë seancë të jashtëzakonshme me futë ligjin në rend dite…”, deklaroi Hamza. Ai nuk njoftoi se nënshkrimet ishin siguruar apo se seanca ishte caktuar.

Sipas Hamzës, kryeministri Albin Kurti po pret opinionin ligjor të Ministrisë së Drejtësisë për projektligjin. Kreu i PDK-së shtoi se Kurti nuk ka dhënë një qëndrim të qartë nëse do ta mbështesë nismën pas marrjes së këtij opinioni.

Sponsorët