Hamza në 27-vjetorin e PDK-së: “nuk u përkulën kurrë”

Bedri Hamza, në 27-vjetorin e PDK-së, tha se Hashim Thaçi, Kadri Veseli dhe Jakup Krasniqi “nuk u thyen dhe nuk u përkulën kurrë”, duke e lidhur përvjetorin me ruajtjen e trashëgimisë politike të partisë që udhëheq.

“Jemi partia e Hashim Thaçit, Kadri Veselit e Jakup Krasniqit, që nuk u thyen dhe nuk u përkulën kurrë”, shkroi Hamza në postimin e tij.

Ai e cilësoi PDK-në si forcën politike me kontributin më të madh në lirinë, pavarësinë dhe shtetndërtimin e Kosovës. Sipas tij, partia lindi në shpirtin e rezistencës, në një kohë kur Kosovës i nevojiteshin forcë, guxim, vizion dhe përkushtim.

Hamza tha se përgjegjësia e PDK-së është ta ruajë trashëgiminë e saj politike dhe ta vazhdojë angazhimin për më shumë zhvillim, mundësi dhe perspektivë për qytetarët.

Sponsorët