Gola shpreh besim te Apeli për ish-krerët e UÇK-së

Nënkryetari i Kuvendit të Kosovës, Ardian Gola, shprehu besimin se akuzat ndaj ish-krerëve të UÇK-së do të rrëzohen në apel, duke e lidhur këtë pritje me zbatimin rigoroz të standardeve ndërkombëtare të drejtësisë. Ai e paraqiti këtë qëndrim gjatë fjalimit në Asamblenë Parlamentare të Këshillit të Evropës.

“Ne besojmë fuqishëm se Paneli i Apelit do t’i rrëzojë ato, nëse i zbaton me rigorozitet standardet ndërkombëtare të drejtësisë, dhe udhëheqësit e UÇK-së do të jenë të lirë”, deklaroi Gola.

Në fjalim, ai e përshkroi UÇK-në si një forcë të lindur si përgjigje ndaj dekadave të shtypjes në Kosovë, me qëllim çlirimin nga regjimi i Sllobodan Millosheviqit. Gola u bëri gjithashtu thirrje institucioneve evropiane të jenë të vëmendshme ndaj narrativave që, sipas tij, mund të shtrembërojnë të vërtetat historike.

Sponsorët