Gërvalla: Gjyqësori pa përparim, por pa hapa mbrapa
Ministrja e Drejtësisë, Donika Gërvalla, tha në Kuvend se Raporti i Progresit për vitin 2026 konstaton mungesë përparimi në funksionimin e gjyqësorit, por jo hapa mbrapa. “Për funksionimin e gjyqësorit…

Ministrja e Drejtësisë, Donika Gërvalla, tha në Kuvend se Raporti i Progresit për vitin 2026 konstaton mungesë përparimi në funksionimin e gjyqësorit, por jo hapa mbrapa.
“Për funksionimin e gjyqësorit në tërësi, në përgjithësi nuk ka shënuar përparim, mirëpo jo që ka bërë hapa mbrapa”, deklaroi ajo gjatë seancës për raportin e Komisionit Evropian.
Deklarata e saj vë theksin te dallimi mes mungesës së përparimit dhe regresit. Ndërkohë, vlerësimi i Komisionit Evropian evidenton pengesa që vazhdojnë të prekin pavarësinë dhe paanshmërinë e drejtësisë në Kosovë.
Sipas raportit, ndikimet e papërshtatshme nga interesat politike, ekonomike dhe faktorë të tjerë mbeten pengesë për sistemin e drejtësisë. Dokumenti thekson gjithashtu se paketa e ligjeve për reformimin e drejtësisë ende nuk është miratuar.
Sponsorët
![]() | ![]() | ![]() |


