Garda iraniane e quan Trumpin “gënjeshtar të madh”

Zëdhënësi i Gardës Revolucionare iraniane, Hossein Mohebbi, e quajti të martën presidentin amerikan Donald Trump “gënjeshtar të madh”. Ai e akuzoi për fshehjen e së vërtetës nga amerikanët lidhur me programin bërthamor iranian dhe gjendjen në Ngushticën e Hormuzit.

Mohebbi kundërshtoi pretendimet amerikane se Irani ka humbur pjesën më të madhe të ndikimit mbi ngushticën. Sipas tij, kalimi i disa anijeve nën mbrojtjen e ushtrisë amerikane nuk dëshmon se rruga detare është e hapur.

Zëdhënësi mohoi gjithashtu se Irani synon të sigurojë armë bërthamore. Trump, nga ana e tij, e ka përmendur parandalimin e armatimit bërthamor të Iranit si një ndër arsyet për luftën kundër tij. Deklaratat e Mohebbit përbëjnë qëndrimin e Gardës iraniane.

Sponsorët