Dy të vdekur në Ilinden–Milladinovc — çfarë dihet për përplasjen?

Një 51-vjeçar dhe djali i tij 18-vjeçar humbën jetën në një përplasje ballore në rrugën Ilinden–Milladinovc, sipas Prokurorisë Themelore Publike në Shkup. Aksidenti ndodhi rreth orës 02:00 të mëngjesit, pranë bazës policore Brest, dhe la edhe tre persona të lënduar rëndë.

Sipas njoftimit të Prokurorisë, një Opel Corsa që drejtohej nga një 19-vjeçar nga Kumanova u përplas me një Hyundai i30, në timonin e të cilit ishte 51-vjeçari nga Marino. Drejtuesi i Hyundai-t dhe djali i tij vdiqën në vendngjarje, ndërsa një vajzë 18-vjeçare pësoi lëndime të rënda.

Sponsorët

Prokuroria njoftoi se drejtuesi i Opel-it dhe bashkudhëtari i tij, gjithashtu 19 vjeç, u dërguan në spital me lëndime që rrezikojnë jetën.

Në vendngjarje kryen këqyrjen prokurori kujdestar, një ekspert dhe ekipet e Ministrisë së Punëve të Brendshme. Prokurori urdhëroi autopsinë e dy viktimave; shkaqet e aksidentit janë ende duke u hetuar.

DPT — Drita për të vërtetën