Dështon transferimi i Betim Fazlijit te Zurichu pas kontrollit mjekësor

Transferimi i mbrojtësit të Kosovës, Betim Fazliji, nga St. Galleni te Zurichu ka dështuar në fund të afatit kalimtar.

Presidenti i Zurichut, Ancillo Canepa, tha se klubet kishin avancuar në negociata dhe në thelb kishin arritur marrëveshje.

Sipas tij, transferimi nuk u përfundua pasi Fazliji nuk e kaloi me sukses kontrollin mjekësor.

Canepa sqaroi se problemi nuk është i rëndë, por lojtari do të ketë nevojë për disa javë për t’u rikthyer plotësisht, ndërsa Zurichut i duhej një futbollist i gatshëm menjëherë.

Fazliji, i cili ka 23 paraqitje me Kosovën, do të vazhdojë te St. Galleni, ku ka kontratë deri në vitin 2027.