Bolton për proceset ndaj ish-krerëve të UÇK-së: Kanë element të rëndë politik

Ish-këshilltari i Donald Trumpit për Sigurinë Kombëtare, John Bolton, tha në një intervistë për A2CNN se proceset ndaj ish-krerëve të UÇK-së kanë një element të rëndë politik. Ai kritikoi mbikëqyrjen e Gjykatës Speciale dhe vuri në pikëpyetje ligjshmërinë e saj.

“Mendoj që kjo gjykatë është e paligjshme”, deklaroi Bolton. Ky është vlerësimi i tij për institucionin.

Bolton argumentoi se Kosova dhe Serbia duhet t’i hetojnë dhe gjykojnë vetë ish-drejtuesit e tyre përmes sistemeve të pavarura të drejtësisë. Sipas tij, kjo qasje do të ndihmonte pjekurinë politike të vendeve dhe përballjen me të kaluarën.

I pyetur nëse gjykata duhet të shpërbëhet, ai tha se Kosova, nëse është e pakënaqur, duhet ta shprehë hapur qëndrimin se janë tejkaluar kufijtë e asaj për të cilën ishte rënë dakord. Bolton paralajmëroi se mungesa e mbikëqyrjes mund t’i çojë trupat gjykues në drejtime të paparashikuara dhe të shkaktojë dëme.

Sponsorët