Arrestohet një person në Janjevë, dyshohet se hapi profile të rreme në emër të një gruaje

Policia e Kosovës ka arrestuar një person në Janjevë të Lipjanit, nën dyshimin për veprën penale “Hyrje në sistemet kompjuterike”.

Rasti është raportuar se ka ndodhur më 1 shtator, rreth orës 09:50.

Sipas Policisë, i dyshuari dyshohet se kishte hapur profile të rreme në emër të një gruaje kosovare.

Pas intervistimit, me vendim të prokurorit, i dyshuari është dërguar në mbajtje, ndërsa hetimet për rastin po vazhdojnë.

Burimi: Raporti 24-orësh i Policisë së Kosovës, i cituar nga Telegrafi.