Wadephul paralajmëron Rusinë pas takimit me Lavrovin në OKB

Ministri i Jashtëm gjerman, Johann Wadephul, tha se e paralajmëroi Rusinë kundër përshkallëzimit gjatë takimit të së shtunës me homologun rus, Sergey Lavrov, në OKB. Duke folur për televizionin publik gjerman ZDF pas bisedës, ai tha se palët nuk arritën marrëveshje për çështjet kryesore.

Wadephul e cilësoi takimin, i cili zgjati rreth 30 minuta, si një “bisedë intensive”. Ai tha se ia kishte bërë të qartë Lavrovit se Gjermania nuk pranon incidente si ai me dron në Leipzig, të cilin e përshkroi si përshkallëzim të papranueshëm.

“Dhe e paralajmërova qartë Rusinë që të mos vazhdojë në këtë rrugë. Ne mund të mbrohemi, mund të kundërpërgjigjemi. Dhe pikërisht këtë do të bëjmë”, tha Wadephul për ZDF-në.

Për mënyrën se si u mundësua takimi, ministri gjerman tha se kishte pranuar të bisedonte pasi Lavrovi kishte sinjalizuar gatishmërinë përmes ndërmjetësve të palëve të treta.

Sponsorët