Vuçiç ia dorëzon detyrën Brnabiçit, ajo merr përkohësisht presidencën

Aleksandar Vuçiç ia dorëzoi detyrën Ana Brnabiçit, e cila merr përkohësisht presidencën e Serbisë pas dorëheqjes së tij. Sipas procesverbalit që Vuçiç lexoi para gazetarëve gjatë dorëzimit, kryetarja e Asamblesë Kombëtare do ta ushtrojë këtë funksion deri në zgjedhjen e presidentit të ri.

“Ky procesverbal shënon dorëzimin e detyrave midis Aleksandar Vuçiç, Presidentit të Republikës, i cili jep dorëheqjen, dhe Ana Brnabiç, Kryetares së Asamblesë Kombëtare, e cila merr detyrën e Presidentit të Përkohshëm të Republikës”, deklaroi ai.

Dorëzimi u zhvillua në Presidencën e Serbisë, ku u nënshkrua procesverbali dhe u dorëzua vula zyrtare. Vuçiç tha se dokumentacioni i dorëzuar përfshinte edhe raporte financiare, pune dhe materiale mbi çështjet gjyqësore.

Sponsorët