Trump thotë se Musk hoqi kufizimet, mungon konfirmimi i tij

Presidenti amerikan Donald Trump tha më 22 tetor se Elon Musk i kishte hequr kufizimet e qasjes së Ukrainës në Starlink, por Musk ende nuk e ka komentuar këtë deklaratë.

“Ai e riktheu”, u tha Trump gazetarëve, disa orë pasi presidenti ukrainas Volodymyr Zelensky kishte konfirmuar për CNN se Ukraina po përballej me kufizime në përdorimin e shërbimit satelitor.

Deklarata e Trumpit vjen mes polemikave për lidhjen satelitore ku mbështetet ushtria ukrainase. Zelensky kishte shprehur shpresën që çështjen ta trajtonte me sekretarin amerikan të Shtetit, Marco Rubio.

Rubio ka mohuar se Trumpi apo zyrtarë të tjerë amerikanë kishin kërkuar ndryshime në sistem ose kishin pasur dijeni paraprakisht për vendimin. Ai ka dalluar shërbimin komercial Starlink nga Starshield, produkti për mbrojtjen që funksionon përmes marrëveshjeve me Departamentin amerikan të Mbrojtjes.

Ndërkohë, senatori Adam Schiff ka kërkuar hetim nga Senati dhe dëshmi nën betim nga Musk. Edhe përfaqësuesi republikan Brian Fitzpatrick ka bërë thirrje për hetim lidhur me kufizimet.

Sponsorët