Rudolph: Trupat gjermane shërbejnë në KFOR që nga 1999

Ambasadori i Gjermanisë në Kosovë, Rainer Rudolph, theksoi shërbimin e pandërprerë të trupave gjermane në KFOR që nga viti 1999, në postimin për 36-vjetorin e Bashkimit të Gjermanisë. Sipas tij, ky angazhim, së bashku me aleatët dhe partnerët, kontribuon në paqen, stabilitetin dhe sigurinë në Ballkanin Perëndimor.

Rudolph tha se rrugëtimi gjerman nga ndarja drejt bashkimit ka kuptim të veçantë në Kosovë. Ai e lidhi përvjetorin edhe me kalimin nga një Evropë e ndarë drejt bashkëpunimit dhe paqes.

“Angazhimi i Gjermanisë ndaj Evropës vazhdon – i ndërtuar mbi unitetin, partneritetin dhe përgjegjësinë”, shkroi ambasadori. Ai nderoi përkushtimin e pjesëtarëve të shërbimit dhe shprehu besim në të ardhmen e përbashkët evropiane.

Sponsorët