Rrustemi: Për mua, përmirësim i aktgjykimit është pafajësia
Deputeti i Vetëvendosjes, Adnan Rrustemi, tha se për të përmirësimi i aktgjykimit ndaj ish-krerëve të UÇK-së nënkupton që ata të shpallen të pafajshëm. Ai e paraqiti këtë qëndrim duke shpjeguar…
Deputeti i Vetëvendosjes, Adnan Rrustemi, tha se për të përmirësimi i aktgjykimit ndaj ish-krerëve të UÇK-së nënkupton që ata të shpallen të pafajshëm. Ai e paraqiti këtë qëndrim duke shpjeguar deklaratën e kryeministrit Albin Kurti për korrigjimin e vendimit në apel.
“Për mua përmirësim është me u shpallë të pafajshëm, me ra ato akuza dhe që me u kthye të lirë”, tha Rrustemi. Sipas tij, korrigjimi mund të nënkuptojë edhe kthimin e çështjes në pikën zero.
Kurti kishte deklaruar më 16 shtator, pas shpalljes së aktgjykimit dënues ndaj Hashim Thaçit, Kadri Veselit, Jakup Krasniqit dhe Rexhep Selimit, se vendimi duhej ndryshuar dhe korrigjuar në apel. Rrustemi argumentoi se kjo deklaratë duhet parë bashkë me qëndrimet e tjera të Kurtit për një strategji shtetërore dhe mobilizim në shkallën e dytë.
Sponsorët
 |  |  |