Ramadani: “Unë jam për Ligjin, por jo pazaret!”

Deputeti i Aleancës, Burim Ramadani, shprehu mbështetje për ligjin, ndërsa kritikoi takimet e kryeministrit Albin Kurti me kryetarin e PDK-së, Bedri Hamza, dhe kryetarin e LDK-së, Lumir Abdixhiku.

“Unë jam për Ligjin, por jo pazaret!”, shkroi Ramadani në postimin e tij lidhur me këto takime.

Ai vuri në dyshim sinqeritetin e qëllimeve të Kurtit në bisedimet me dy liderët opozitarë. “Loja e Kurtit herë me njërin e herë me tjetrin nuk ka asnjë lidhje me qëllime të sinqerta. Loja po vazhdon, veç lojtarët po shtohen!”, shkroi ai.

Ramadani nuk dha hollësi për ndonjë pazar konkret; këtë cilësim e përdori në kritikën e tij ndaj takimeve.

Sponsorët