Pa kategori

Rama tregon pse s’premton afat për anëtarësimin në BE

Kryeministri Edi Rama tha se nuk mund të premtojë një afat për anëtarësimin e Shqipërisë në BE, sepse vendimi nuk varet vetëm prej tij dhe mbetet i lidhur edhe me…

Rama tregon pse s’premton afat për anëtarësimin në BE
Dëgjo artikullin 1 min

Kryeministri Edi Rama tha se nuk mund të premtojë një afat për anëtarësimin e Shqipërisë në BE, sepse vendimi nuk varet vetëm prej tij dhe mbetet i lidhur edhe me zhvillimet politike brenda Bashkimit Evropian.

Në Forumin e Paqes në Paris, ai deklaroi se, nëse gjithçka shkon mirë, Shqipëria mund t’i përmbyllë negociatat në fund të vitit të ardhshëm. Këtë e paraqiti si përfundim të negociatave dhe përgatitje për hapin e fundit të procesit, pa dhënë një datë të garantuar anëtarësimi.

“Unë nuk premtoj dot për gjëra që s’varen prej meje”, tha Rama gjatë bashkëbisedimit në Musée de l’Homme.

Sipas tij, raporti i fundit i progresit i Komisionit Evropian parashikon që vitin e ardhshëm të nisë puna për traktatin e anëtarësimit. Rama përmendi zgjedhjet e ardhshme në Francë si një nga pasiguritë politike që mund të ndikojnë në ecurinë e procesit.

Ai propozoi gjithashtu që vendet negociuese të përfshihen politikisht rreth tryezës së BE-së, ndërsa procesi i bazuar në meritë dhe përmbushja e detyrimeve të vazhdojnë.

Sponsorët

Petrol CompanyJYSKMishtore Meli
Scroll To Top