Përparim Rama nderon vëllezërit Bytyqi, kujton kontributin e diasporës

Kryetari i Prishtinës, Përparim Rama, njoftoi në Facebook se ka bërë homazhe te varrezat e vëllezërve Bytyqi. Ai tha se Kosova u detyrohet përjetësisht luftëtarëve përtej Atlantikut dhe diasporës shqiptaro-amerikane për kontributin në çlirimin e vendit.

“Një diasporë e tërë u bë pjesë e përpjekjes së Kosovës për liri”, shkroi Rama.

Në përkujtimin e tij, ai veçoi Agron, Mehmet dhe Ylli Bytyqin, duke theksuar se tre vëllezërit shqiptaro-amerikanë zgjodhën t’i bashkoheshin përpjekjes për lirinë e Kosovës në një moment vendimtar dhe u sakrifikuan për të.

Sipas postimit, në homazhe morën pjesë edhe kryetari i Lezhës, Pjerin Ndreu, dhe kryetari i Federatës Pan-Shqiptare “Vatra”, Elmi Berisha.

Sponsorët