Osmani kërkon 18 votat e LDK-së për Sejdiun: Është interes shtetëror

Ish-presidentja dhe deputetja e LDK-së, Vjosa Osmani, ka thënë se shpreson që të 18 deputetët e kësaj partie ta mbështesin Bekim Sejdiun për president të Kosovës.

Para mbledhjes së Grupit Parlamentar të LDK-së, Osmani e cilësoi kandidaturën si vendim në interes shtetëror dhe tha se emri i Sejdiut ishte propozuar nga vetë LDK-ja.

Sipas saj, kandidatura i plotëson kriteret e miratuara më herët nga grupi parlamentar dhe është në përputhje me vendimin e Kuvendit të LDK-së për angazhim në krijimin e institucioneve.

Osmani tha se zgjedhja e presidentit duhet të shërbejë për mbrojtjen e demokracisë dhe Kushtetutës, si dhe për forcimin e aleancave të Kosovës.

Ajo u bëri thirrje jo vetëm deputetëve të LDK-së, por të gjithë ligjvënësve që ta trajtojnë votimin si përgjegjësi për krijimin e institucioneve stabile.

Burime: Gazeta Express dhe Telegrafi.