Pa kategori

Murati tregon pse disa zotime mbeten jashtë projektbuxhetit

Ministri i Financave, Hekuran Murati, tha se jo të gjitha zotimet e Qeverisë mund të përfshihen në projektbuxhetin 2027–2029, sepse mandati përfshin edhe vitin 2030 dhe disa nisma nuk kërkojnë…

Murati tregon pse disa zotime mbeten jashtë projektbuxhetit
Dëgjo artikullin 1 min

Ministri i Financave, Hekuran Murati, tha se jo të gjitha zotimet e Qeverisë mund të përfshihen në projektbuxhetin 2027–2029, sepse mandati përfshin edhe vitin 2030 dhe disa nisma nuk kërkojnë ndarje buxhetore.

Ai iu përgjigj deputetit të LDK-së, Avdullah Hoti, gjatë shqyrtimit në parim të Projektligjit për ndarjet buxhetore. Hoti kërkoi që premtimet e paraqitura nga kryeministri në Kuvend më 13 shtator 2026 të pasqyrohen pothuajse tërësisht në planifikimin trevjeçar.

Sipas Hotit, dokumentit i mungon një orientim i qartë strategjik për ekonominë. Ai ngriti pikëpyetje për ruajtjen e fuqisë blerëse përmes pagave, pensioneve dhe asistencës sociale, si dhe për objektivat në shëndetësi, infrastrukturë e energji.

Murati përmendi programin e premtuar prej një miliard eurosh garanci për investimet në prodhim si shembull të një nisme që, sipas tij, nuk trajtohet përmes ndarjeve buxhetore. Ai paralajmëroi se projektligji për garancinë sovrane do të paraqitet së shpejti.

Për projektet e veçanta sektoriale, ministri i ftoi deputetët t’ua drejtojnë pyetjet ministrave përgjegjës në komisionet përkatëse parlamentare.

Sponsorët

Petrol CompanyJYSKMishtore Meli
Scroll To Top