Moldavia raporton shkeljen e hapësirës ajrore nga raketat ruse
Dy raketa ruse të tipit S8000 Banderol, të lëshuara nga dronë gjatë sulmeve ndaj Ukrainës, kanë hyrë në hapësirën ajrore të Moldavisë, sipas Ministrisë së Mbrojtjes së këtij vendi. Autoritetet…

Dy raketa ruse të tipit S8000 Banderol, të lëshuara nga dronë gjatë sulmeve ndaj Ukrainës, kanë hyrë në hapësirën ajrore të Moldavisë, sipas Ministrisë së Mbrojtjes së këtij vendi.
Autoritetet moldave njoftuan se raketa e parë hyri në orën 06:04 nga rajoni ukrainas i Odesës, në drejtim të fshatit Tudora, në distriktin Ștefan Vodă. Ajo qëndroi pesë minuta në hapësirën ajrore moldave dhe më pas doli në drejtim të fshatit Starokozache në Ukrainë.
Raketa e dytë hyri në orën 06:06 nga fshati ukrainas Lymanske drejt Pervomaiscut, në zonën e Transnistrisë. Sipas të njëjtit njoftim, ajo u largua në orën 06:10 në drejtim të qytetit Rozdilna, gjithashtu në rajonin e Odesës.
Kalimet u evidentuan nga Sistemi Kombëtar i Integruar i Monitorimit të Moldavisë. Qendra e Operacioneve Ajrore e Ushtrisë Kombëtare po vazhdon monitorimin e hapësirës ajrore, në koordinim me autoritetet përkatëse dhe partnerët ndërkombëtarë.
Sponsorët
![]() | ![]() | ![]() |


