Miftaraj: Ndryshimet për Specialen s’mund të cenojnë detyrimet e Kosovës

Ehat Miftaraj nga Instituti i Kosovës për Drejtësi tha për DW se deputetët mund të nisin ndryshime në Ligjin për Dhomat e Specializuara, por ato duhet të respektojnë detyrimet kushtetuese dhe ndërkombëtare të Kosovës. Sipas tij, për zbatueshmërinë e ndryshimeve nevojitet edhe konsultimi me partnerët ndërkombëtarë.

“Çdo plotësim dhe ndryshim i ligjit nuk mund të jetë në kundërshtim me detyrimet ndërkombëtare që ka marrë përsipër Republika e Kosovës”, ka deklaruar ai.

Miftaraj e lidhi kompetencën e Kuvendit për ndryshimin e ligjit me respektimin e detyrimeve që burojnë nga amendamenti kushtetues dhe neni 162 i Kushtetutës. Ai e përshkroi ndërhyrjen në këtë ligj si proces kompleks.

Për të siguruar që ndryshimet eventuale të kenë efekt në praktikë, Miftaraj tha se procesi duhet të zhvillohet në konsultim dhe bashkëpunim me shtetet kryesore të Këshillit të Bashkimit Evropian dhe me Shtetet e Bashkuara të Amerikës.

Sponsorët