“Liria ka Emër” nuk ndalet :paralajmërohet marshi i katërt

“Liria ka Emër” nuk ndalet: Në tetor paralajmërohet marshi i katërt në Prishtinë

Platforma “Liria ka Emër” ka paralajmëruar vazhdimin e aktiviteteve në mbështetje të ish-krerëve të Ushtrisë Çlirimtare të Kosovës, të dënuar nga Gjykata Speciale.

Përfaqësuesi i kësaj platforme, Ismail Tasholli, ka bërë të ditur se gjatë muajit tetor planifikohet organizimi i marshit të katërt në Prishtinë.

I ftuar në emisionin “Pressing” në T7, Tasholli deklaroi se platforma nuk ka ndërmend të dorëzohet. Ai tha se tashmë kanë nisur takimet për hartimin e një agjende njëvjeçare të aktiviteteve.

Sipas tij, tetori është zgjedhur edhe për shkak se njihet si muaji i studentëve, ndërsa hollësitë rreth organizimit do të bëhen publike pasi të caktohet data përfundimtare.

“Prishtina do të mbushet përsëri me një marsh”, paralajmëroi Tasholli.

Data e saktë ende nuk është vendosur, por organizatorët konfirmojnë se marshi i radhës do të mbahet gjatë tetorit.