KLSH kërkon 10 punonjës shtesë, Elezi vë në pikëpyetje nevojën
Deputeti socialist Ermal Elezi vuri në pikëpyetje kërkesën e KLSH-së për 10 punonjës shtesë në vitin 2027, duke kërkuar tregues për cilësinë e auditimeve dhe sqarime për vendet vakante përpara…

Deputeti socialist Ermal Elezi vuri në pikëpyetje kërkesën e KLSH-së për 10 punonjës shtesë në vitin 2027, duke kërkuar tregues për cilësinë e auditimeve dhe sqarime për vendet vakante përpara zgjerimit të organikës.
Gjatë debatit në Komisionin “Xhafaj”, Elezi tha se pagat në institucion janë rritur rreth 90% nga viti 2021 deri më 2025, por dokumentacioni i paraqitur nuk dëshmonte, sipas tij, një përmirësim të ngjashëm të mbulimit dhe cilësisë së auditimeve.
Drejtoresha e Burimeve Njerëzore të KLSH-së, Ermira Hoxha, argumentoi se institucioni kërkon fonde për të përmbushur detyrimet e tij dhe kërkesat e integrimit europian. Kërkesa parashikon 253 punonjës, kundrejt organikës prej 243 punonjësish për vitin 2026.
Përfaqësuesit e KLSH-së thanë se të dhënat për vakancat që përmendi deputeti ishin të mëhershme dhe se struktura do të plotësohet deri në fund të vitit. Ata i lidhën nevojat shtesë edhe me auditimet e teknologjisë së informacionit, sigurisë kibernetike, koncesioneve dhe partneriteteve publike-private.
Përfaqësuesja e Ministrisë së Financave, Vilma Çausholli, ngriti çështjen e mënyrës së llogaritjes së fondit të pagave. Elezi kërkoi rakordim mes ministrisë dhe KLSH-së përpara shqyrtimit të mëtejshëm të shtimit të kapaciteteve.
Sponsorët
![]() | ![]() | ![]() |


