Hoxhaj: Droni me eksploziv në Leipzig ishte akt agresioni ndaj Gjermanisë
Enver Hoxhaj e cilësoi incidentin me dron në aeroportin Leipzig/Halle si akt agresioni kundër Gjermanisë dhe sigurisë evropiane.
Deputeti i PDK-së dhe ish-ministri i Jashtëm, Enver Hoxhaj, ka reaguar pas njoftimit të autoriteteve gjermane për përfshirjen e dyshuar të Rusisë në incidentin me një dron të ngarkuar me eksploziv në Aeroportin Leipzig/Halle.
Hoxhaj e cilësoi incidentin si akt agresioni kundër Gjermanisë dhe sigurisë evropiane.
Ai shprehu mbështetje për kancelarin Friedrich Merz, Gjermaninë dhe aleatët e NATO-s, duke theksuar se “lufta hibride kërkon unitet dhe vendosmëri”.
Incidenti kishte ndodhur më 4 gusht, ndërsa më 1 shtator autoritetet gjermane thanë se të dhënat e institucioneve të sigurisë tregonin për përfshirjen e Rusisë.
Droni u gjet pranë një aeroplani ukrainas dhe u çaktivizua pa shkaktuar viktima ose dëme. Hetimet për rrethanat e plota të rastit dhe përgjegjësinë po vazhdojnë.