Pa kategori

Hoti: Shtëpia nuk zëvendësohet me strehën e kundërshtarit

Deputeti i LDK-së, Avdullah Hoti, e cilësoi turizmin politik si aktivitet joetik dhe tha se shtëpia nuk zëvendësohet me strehën e kundërshtarit, në një postim në Facebook ku nuk përmendi…

Hoti: Shtëpia nuk zëvendësohet me strehën e kundërshtarit
Dëgjo artikullin 1 min

Deputeti i LDK-së, Avdullah Hoti, e cilësoi turizmin politik si aktivitet joetik dhe tha se shtëpia nuk zëvendësohet me strehën e kundërshtarit, në një postim në Facebook ku nuk përmendi emra.

“Matrapazët politikë edhe mund ta gjejnë ndonjë ofertë. Por shtëpia nuk zëvendësohet me strehën e kundërshtarit, që të shfrytëzon për interesa të veta”, shkroi ai.

Hoti e lidhi këtë kritikë me kërkimin e ofertave politike jashtë subjektit të vet. “Kur mbaron sezoni i turizmit politik, mbetesh në rrugë, i frustruar, i nervozuar, deri sa të gjen ofertë turistike politike radhës”, deklaroi deputeti.

Postimi vjen pas deklaratave të Vjosa Osmanit në Kanal 10, ku ajo akuzoi disa deputetë të LDK-së se i shërbejnë SHIK-ut për ta dëmtuar partinë. Hoti ishte ndër deputetët të cilëve ajo iu referua lidhur me mosmbështetjen e kandidaturës së Bekim Sejdiut për president.

Megjithatë, në tekstin e postimit të tij, Hoti nuk e identifikoi drejtpërdrejt Osmanin si adresuese të kritikës.

Sponsorët

Petrol CompanyJYSKMishtore Meli
Scroll To Top