Haziri: VV-ja dhe PDK-ja kushtëzojnë njëra-tjetrën për presidentin dhe Specialen

Nënkryetari i LDK-së, Lutfi Haziri, kritikoi VV-në dhe PDK-në se po e lidhin zgjedhjen e presidentit me ndryshimin e Ligjit për Dhomat e Specializuara përmes kushtëzimeve të ndërsjella. Në emisionin “RTK Prime”, ai tha se kjo qasje nuk përbën hapje për diskutim.

Sipas Hazirit, VV-ja e kushtëzon mundësimin e ndryshimit të ligjit me votimin e presidentit, ndërsa PDK-ja e vendos ndryshimin e ligjit si kusht për votën për presidentin. “Praktikisht, i komunikojnë në marrëdhënie të kushtëzuara”, tha ai.

Për përgatitjet brenda LDK-së, Haziri tha se, nga sa di ai, partia nuk ka pranuar material për t’i diskutuar ndryshimet në ligjin për Dhomat e Specializuara.

Ai shtoi se deklarata e përbashkët në Kuvend ishte harmonizuar pas dallimeve në diskutime. Megjithatë, sipas tij, bashkëpunimi politik nuk duhet të mbështetet në parimin e kushtëzimit.

Haziri tha gjithashtu se kryetari i LDK-së ka komunikuar me kryetarin e PDK-së për këtë çështje, pa dhënë hollësi të tjera për bisedën.

Sponsorët